Homeताज्या घडामोडीकोंढवा परिसरात पालिकेची अतिक्रमण विरोधी धडक कारवाई

कोंढवा परिसरात पालिकेची अतिक्रमण विरोधी धडक कारवाई

वानवडी क्षेत्रीय कार्यालयाची साळुंखे विहार व एनआयबीएम रोडवर धडक अतिक्रमण कारवाई…
पथारीवाल्यांचे साहित्य जप्त.
​
वानवडी क्षेत्रीय कार्यालयाच्यावतीने प्रभाग क्रमांक १८ मधील साळुंखे विहार आणि प्रभाग क्रमांक १९ मधील सनश्री परिसरातील एनआयबीएम (NIBM) रोडवर अनधिकृत अतिक्रमणांविरोधात धडक कारवाई करण्यात आली. या कारवाईत रस्ते व पदपथ अडवून बसलेल्या पथारीवाल्यांचे मोठ्या प्रमाणात साहित्य जप्त करण्यात आले.
​वानवडी क्षेत्रीय कार्यालयाचे सहाय्यक आयुक्त अमोल पवार यांच्या मार्गदर्शनाखाली ही मोहीम राबवण्यात आली. यावेळी अतिक्रमण निरीक्षक भिमाजी शिंदे यांच्यासह सहाय्यक अतिक्रमण निरीक्षक मनोज जाधव, प्रतीक सानप, दिपाली भालचिम आणि संकेत पवार यांच्या पथकाने कारवाईत सहभाग घेतला. या कारवाईसाठी जवान, ९ बिगारी सेवक तसेच एक ओपन ट्रक (पिंजरा गाडी) वापरण्यात आली होती.
​या कारवाईत पाणीपुरी पथारी-०३, प्लास्टिक टेबल-०१, छत्री-०४, लहान सिलेंडर-०२, फुल पथारी-०४, कॅरेट-०४, फळी-०२, फळ पथारी-०१, भाजी पथारी-१४, एक शेड व इतर ११ इत्यादी साहित्य जप्त करण्यात आले.
​रस्त्यावरील वाहतूक सुरळीत व्हावी आणि नागरिकांना पदपथावरून चालण्यास अडथळा निर्माण होऊ नये, यासाठी प्रशासनाकडून ही कारवाई करण्यात आली. भविष्यातही अतिक्रमणांविरोधात अशीच कठोर मोहीम सुरू राहणार असल्याचा इशारा वानवडी क्षेत्रीय कार्यालयाच्या वतीने देण्यात आला आहे.

RELATED ARTICLES
- Advertisment -
Google search engine

Most Popular

Recent Comments

rouspolisthis1975 on Home
conchybason1979 on Home